InicioEconomíaEuroparlamentarios úrxenlle a Alcoa a pór en marcha proxectos de carácter renovable...

Europarlamentarios úrxenlle a Alcoa a pór en marcha proxectos de carácter renovable para garantir a viabilidade da central

Desprazáronse ata Alcoa para coñecer o traballo que está a realizar a central para sumarse á transición enerxética

Publicada o

- Advertisement -

A delegación da comisión de industria, investigación e enerxía do Parlamento Europeo, presidida polo eurodeputado socialista alemán Jens Geier, continuou este martes o seu percorrido por compañías enerxéticas galegas.

Os europarlamentarios desprazáronse ata Alcoa para coñecer o traballo que está a realizar a central para sumarse á transición enerxética, segundo informa o grupo da alianza progresista dos socialistas e demócratas no Parlamento Europeo.

“Necesítanse solucións a longo prazo con renovables e a curto, o Goberno de España está a achegalas”, destacou o eurodeputado Nicolás González Casares sobre as accións a executar para ter unha industria máis ecolóxica.

O relator socialista na Revisión da Directiva de Enerxías Renovables e na Comisión de Transporte e Enerxía urxiu a necesidade de que Alcoa comece a pór en marcha os proxectos de carácter renovable acordados para garantir a viabilidade da central e asegurar “unha electricidade barata e fiable”. “Os compromisos a longo prazo son os que de verdade van manter a esta industria”, incidiu. Nesta liña, pediu que a Xunta conceda os permisos para que estas iniciativas sexan unha realidade e “haxa suficiente potencia para alimentar con enerxía verde a Alcoa”.

DESCARBONIZAR A INDUSTRIA

O socialista apuntou o beneficioso que podería resultar para a central sumarse ao PERTE para descarbonizar a industria, que se está levando a cabo cunha contía de 3.000 millóns de euros procedentes dos fondos do Plan de Recuperación, Transformación e Resiliencia do Goberno español.

Na misión participan os eurodeputados Marion Walsmann (PPE, Alemaña), Henna Virkkunen (PPE, Finlandia), Niels Fuglsang (S&D, Dinamarca), Izaskun Bilbao (RE, España), Susana Solís (RE, España), Pilar del Castillo (PPE, España) e Francisco José Millán Mon (PPE, España).

Ademais de Alcoa, este martes os europarlamentarios achegáronse ata Endesa nas Pontes. A viaxe continuará este mércores por Asturias para visitar a planta de ArcelorMittal.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...